sitio con LA PAJINA DJUDEO-ESPANYOLA de AKI YERUSHALAYIM

FUENTE http://aki-yerushalayim.co.il/

Pajinas de poezia (I) Kantika de mi madre Por: Grasia Albuhayre Pasimos kaminos largos, largos, kaminos no konosidos. En la sivda ajena agora bivimos, ma la alma en Toledo deshimos. No yores, mi alma! No yores, mi kerida! Tu madre esta kon ti. Kon parientes i ermanos mos espartimos. En el mundo entero mos disparsimos, La kaza moestra kedo leshos, muy leshos - en Toledo. Ayi kedaron la kama i la kuna. No yores, mi alma! No yores mi kerida! Yo esto kon ti. Ma los djidios siempre kedan ermanos. Leshos de Toledo komo ermanos bivimos. No yores, mi alma! No yores, mi kerida! Todos mos vamos arekojer. tomado desde el sitio http://forojudio.com/bin/forojudio.cgi?ID=6390&q=9